كهربا

في اليوم التاني، إحنا وقاعدين في مطعم على البحر، مسكت الموبايل بالصدفة.. لقيت 37 مكالمة فائتة من مروة، و12 رسالة كلها كلمة واحدة: “ردي ضروري!”

وفجأة الموبايل رن تاني باسمها.

رديت: “خير يا مروة في إيه؟”

صرخت في الفون بصوت هيستيري: “ارفعي سك\ينة الكهرباء بتاعة بيتكم فورًا!! أنتِ قطعتِ النور عنا وكل الأكل والأجهزة في بيتنا باظت!!”

اتسمرت مكاني من الصدمة: “مروة.. إحنا بيننا وبينكم مئات الكيلومترات في دهب! أنتِ عرفتِ منين إن أنا نزلت سك\ينة الكهرباء بتاعة بيتي؟!”

سكتت فجأة.. وسُمع صوت كريم من بعيد وهو بيزعق فيها برعب: “اقفلي يا غبية!!”

وبقبل ما المكالمة تتقفل، مروة هبدت الجملة اللي كشفت السر كله.. السر اللي خلي الفاتورة عندهم بـ 220 جنيه وعندنا بـ 10,430 جنيه!

— “يعني لو معندكيش عيال، مش أقل حاجة تدفعي كهرباء العيال بتوعنا?!”

حسيت إن صوت المطعم والناس حوالينا اختفى فجأة، وما بقاش مسموع غير صوت ضربات قلبي.

— “من إمتى وأنتم موصلين سرقة من عدادنا؟!”

مروة صوتها وطي ولجلجت: “أنا.. أنا مش فاهمة أنتِ بتتكلمي عن إيه!”

— “أنتِ لسه قايلة بعظمة لسانك إننا بنطير فلوسنا وإننا المفروض ندفع كهرباء عيالكم!”

— “جرى إيه يا سمر؟ إحنا بناخد حاجة بسيطة! أنتم اتنين شغالين، معاكوش عيال، وعايشين في بيت جاهز ومترمّم ببلاش.. يعني مش هيجرى لكم حاجة لو شيلتم معانا شوية!”

السكة اتقفلت في وشي. طارق قام طلب الحساب فورًا وهو بيحاول يمسك أعصابه، وأنا لفت لأمي وبدأت أشرح لها اللي حصل بصوت بيرعش. أمي وشها اصفرّ وبقت مش قادرة تتنفس، بس المرة دي.. ما دافعتش عن كريم ولا كلمة.

أمي بصت لي بدموع وقالت: “يلا نرجع.. المرة دي مش هقولك استحملي عشان خاطري يا سمر.”

قبل ما نتحرك ونحجز تذاكر الرجوع، طارق فتح ابلكيشن الكاميرات اللي متوصلة بالموبايل. رجع بالاسترجاع لورا بتاع 3 شهور.. وشفنا الفضيحة! فيديو من 3 شهور بيورّي كريم داخل من الباب الجانبي للبيت الفجر، بالنسخة المفتاح اللي أمي كانت سايباها معاه للظروف. كان معاه شنطة أدوار وواخد معاه واحد لابس أفرول زي بتوع فنيين الكهرباء. قعدوا جنب لوحة العداد 48 دقيقة كاملين!

وفي فيديو تاني، مروة كانت بتعدي سور الجنينة كل ما نكون برة البيت، وتروح تفتح لوحة الكهرباء تتطمن على حاجة وترجع تاني!