العروسه
— يا تيتة أنا جعانة…
أُمي ردت عليها ببرود:
— قولي لأمك تبطل تمثيل وتدليع بقى!
المكان كله في المستشفى بقى ساكت سكون يرعب.
التسجيل قدم شوية…
صوت باب الشقة بيتفتح، وبعدها صوت حازم:
— أنا حولت الفلوس خلاص. أول ما إبراهيم يوصل، أمي هتقوله إن سارة اتجننت وعقلها طار.
سارة ردت بتعب:
— ولو مأدقش الكلام ده؟
حازم ضحك:
— عشان كده المحامي جهز كل حاجة. معانا صور الشقة وهي مبهدلة، والقفل اللي على الخزين، وتقارير حالتك النفسية.
سارة اتفاجأت:
— حالة نفسية إيه؟!
حازم ضحك بشر:
— الحالة اللي إحنا بنرتّبهالك من بدري!
حسيت إن الأرض بتتسحب من تحت رجلي.
وصوت أُمي جه في التسجيل:
— كام يوم من غير أكل وتعب، وأي حد هيبان إنه مجنون ومش متزن.
سكتوا شوية… وبعدها اتسمع صوت أزازة بتحط على الترابيزة.
سارة سألت بخوف:
— إيه ده؟
أُمي قالت بصوت واطي ومريب:
— حاجة عشان تسكتي خالص وبطل رغي.
الظابط وقف الصوت فجأة:
— لازم نأخد المادة دي ونفرغها رسمياً.
بس الكارثة مكنتش هنا بس…
بعد دقائق، الدكتور طلع من باب الرعاية المركزة للأطفال:
— أستاذ إبراهيم، بنتك فريدة بدأت تستجيب للعلاج الحمد لله… بس للأسف، لقينا نفس المادة السامة في دمها هي كمان.
بصيت لأُمي بعيون كلها نار.
هي نزلت رأسها في الأرض وماقدرتش تحط عينها في عيني.
قلت بصوت مكتوم:
— فريدة هي كمان اتسممت يا أمي؟!
همست وهي خايفة:
— أنا… أنا مكنتش أقصد أأذي البت الصغيرة والله!
دي كانت أول مرة تعترف فيها بلسانها إنها عارفة كل حاجة.
حازم اتنطط وصرخ فيها:
— يا أمي اسكتي خالص!
بس كان الفأس وقعت في الرأس خلاص.
أمين الشرطة قرب منها:
— اتفضلي معانا يا حاجّة.
بس خبير الأدلة رفع إيده فجأة:
— استنوا… في ملف ثاني هنا!
على الشاشة كان في تسجيل مدته 11 دقيقة بس، وماتسجلش غير امبارح بالليل.
صوت سارة بدأ وهي بتوشوش بجلع وخوف:
— لو إبراهيم بيسمع التسجيل ده… أنا لقيت الورق.
صوت درج بيتفتح بالراحة…
— طنط وحازم مش بس عايزين ياخدوا فريدة مني… هم بيمهدوا لحاجة أكبر ضد إبراهيم نفسه!
ضربات قلبي كانت بتدب في قفصي الصدري زي الطبل.
سارة كملت وهي بترتعش:
— في توقيع باسمه على ورقة هو عمره ما جابلي سيرة عنها…
الخبير بصلي وسألني:
— تحب نكمل؟
— كمل… شغل.
صوت مراتي ملأ الأوضة تاني:
