جوزي طلقني زهرة الربيع 2
وقال
ممكن أحضنها
فريدة بصتلي الأول
استنت إذني بعينيها
ابتسمتلها وقلت
لو إنت عايزة
البنت نزلت من حضني ومشيت ناحيته بخطوات صغيرة
وقف قدامها فاتح دراعاته
لكنها أول ما وصلت قالت بصوت بريء
إنت بابا اللي مش هييجي تاني
الكلمة نزلت عليه كأنها جبل
ركع على ركبته ودموعه نزلت
لكن فريدة رجعت جريت عليا تاني وحضنت رقبتي بقوة
وقالت
يلا يا ماما نروح بيتنا
حضنتها وأنا ببص لحسام آخر بصه
وركبت العربية
وأنا خارجة لمحت في المراية حسام واقف لوحده في الجراج
لا منة معاه
ولا شغل
ولا أحلام
ولا حتى بنته عرفت ترجع تحضنه
وفي اللحظة دي رن تليفوني
بصيت للشاشة
كان رقم مجهول
رديت بهدوء
جالي صوت راجل كبير بيقول
مساء الخير يا أستاذة جنة
أنا رئيس مجلس إدارة مجموعة الرواض
وعندي عرض هيغير حياتك وحياة بنتك بالكامل لو وافقتي تسمعيه.رديت بهدوء
اتفضل أنا سمعاك
قال
إحنا خلصنا اجتماع مجلس الإدارة من شوية
وكل الأعضاء أجمعوا على حاجة واحدة
إحنا مش عايزينك مجرد شريك في حملة إعلانية
إحنا عايزين ندخل معاكي في مشروع جديد
قلت
نوعه إيه
قال
مدينة كاملة مخصصة للصناعات الغذائية والتدريب والإنتاج
وإحنا شايفين إن اسمك بقى علامة الناس بتثق فيها
عايزينك تكوني شريك بنسبة من الأرباح
سكت ثواني
قلت
ودي نسبة كام
ابتسم وقال
خمسة عشر في المية
الأرقام اللي قالها بعدها خلتني أسند على العربية
لأن أرباح المشروع المتوقعة كانت بالمليارات
قلت له
اسمحلي أخد وقت أفكر
قال
براحتك
بس فيه حاجة تانية لازم تعرفيها
قلت
إيه هي
قال
إحنا عملنا تحريات عنك قبل الاجتماع
وعرفنا إنك رفضتي تعلني لأي منتج يضر الناس رغم إنك كان قدامك ملايين
