جوزي طلقني زهرة الربيع 2
حسام فضل واقف مكانه كأنه اتشل
كل اللي كان في إيده وقع على الأرض
منة بصت له باستغراب وقالت
إيه مالك
ما ردش عليها
كان باصصلي وكأنه أول مرة يشوفني
رئيس مجلس الإدارة ابتسم وقال
أستاذة جنة من أكبر صناع المحتوى في المجال ده وإحنا بنتابع شغلها من سنين
والحقيقة إحنا اللي طلبنا الاجتماع بنفسنا
حسام بلع ريقه بالعافية
وقال وهو بيحاول يبتسم
شهد… هو انتي
بصيت له بنفس الهدوء
أيوة
أنا شهد
وسكت
سيبت الصدمة تكمل شغلها
منة اتدخلت بسرعة وهي بتحاول تنقذ الموقف
إحنا كنا زملاء في شركة واحدة
رئيس مجلس الإدارة ضحك وقال
واضح إنكم تعرفوا بعض
قلت بهدوء
آه
كنا نعرف بعض كويس
حسام حاول يرجع ثقته بنفسه
إحنا الحقيقة جايين نقدم عرض لتنفيذ المشروع
رئيس مجلس الإدارة هز راسه
تمام
بس قبل أي حاجة هنسمع رؤية أستاذة جنة لأنها الشريك الأساسي في المشروع
كل اللي في القاعة بصلي
فتحت اللابتوب
وضغطت زر واحد
الشاشة الكبيرة اشتغلت
أرقام
تقارير
إحصائيات
حملات إعلانية
نسب مبيعات
وأرباح بالملايين
كل رقم ظاهر كان أكبر من اللي قبله
القاعة كلها ساكتة
واحد من أعضاء المجلس قال
الأرقام دي حقيقية
مي ابتسمت وقالت
دي تقارير مراجعة من شركة محاسبة معتمدة
حسام كان وشه بيصفر واحدة واحدة
لأنه عرف إن المرتب اللي كان كل يوم يعايرني بيه
ما بقاش يساوي حاجة جنب اللي قدامه
خلصت العرض
رئيس مجلس الإدارة وقف وسقف
وباقي الموجودين سقفوا وراه
وقال
بصراحة
إحنا مقتنعين بنسبة مية في المية
وبنرحب بالشراكة
أما بالنسبة للشركة التانية
هنسمع عرضهم احتراماً للميعاد وبعدين هناخد القرار النهائي
حسام قام وقف
إيده كانت بتترعش
