جوزي طلقني زهرة الربيع 2
وعرفنا إنك بتتبرعي كل شهر لأطفال محتاجين من غير ما حد يعرف
وده السبب الحقيقي اللي خلانا نتمسك بيكي
قفلت المكالمة وأنا ساكتة
بصيت لفريدة وهي نايمة في الكرسي الخلفي
ابتسمت
وقلت لنفسي
الحمد لله
بعد أسبوع
انتقلت أنا وفريدة لشقة جديدة
مش أكبر شقة في القاهرة
لكن أول بيت أدخله وأنا حاسة إنه بيتي بجد
فريدة جريت من أوضة لأوضة وهي بتضحك
وقالت
ماما الأوضة دي بتاعتي
ضحكت
أيوة يا قلب ماما
دي بتاعتك
في نفس الليلة
وصلني ظرف من المحكمة
فتحته
كان حسام رافع ق\ضية يطلب فيها حق رؤية فريدة
قفلت الملف بهدوء
وقلت
ده حقه
لو المحكمة شافت إن ده في مصلحة بنتي
مش همنعها عنه
لأن خلافي معاه عمره ما يبقى سبب يحرم بنت من أبوها
بعد شهرين
بدأت جلسات الرؤية
حسام كان بييجي كل أسبوع
أول مرة فريدة كانت مستخبية ورايا
وتاني مرة وافقت تقعد معاه عشر دقايق
وبعدها بشوية بدأت تتكلم معاه
كان واضح إنه بيحاول يصلح اللي اتكسر
لكن الجرح كان كبير
وفي يوم وأنا خارجة من الاستوديو
لقيت حسام مستنيني
كان شكله مختلف
هدوم بسيطة
ودقنه طويلة شوية
وقال
أنا اشتغلت في شركة صغيرة
وبرجع أبدأ من الأول
قلت
ربنا يوفقك
قال
أنا مش مستني منك ترجعيلي
ولا مستني تسامحيني
أنا بس جيت أقولك شكرا
استغربت
قال
لأنك ما حرمتيش بنتي مني
ولو كنتي عملتي كده ما كنتش هقدر ألومك
سكت شوية
وقال
أنا كل يوم بكتشف قد إيه كنت أعمى
ومشي
فضلت أبص في أثره
وحسيت إن بعض الناس بيتعلموا الدرس متأخر
بس بيتعلموه
ركبت عربيتي
وقبل ما أدورها
رن تليفوني
كانت مي
قالت وهي بتضحك
اقعدي الأول
