جوزي طلقني زهرة الربيع 2
حاول يبدأ العرض
لكن أول شريحة ظهرت على الشاشة طلعت فاضية
ارتبك
وقلب في الملفات
والفلاشة مش راضية تشتغل
منة بدأت تهمس له بعصبية
اعمل أي حاجة
كل الناس مستنية
العرق كان نازل من على جبينه
حاول يشرح من غير شاشة
لكن كل ما يقول رقم
أحد أعضاء اللجنة يطلب منه مستند يثبته
ومع كل سؤال
كان بيتلخبط أكتر
وبعد عشر دقايق
رئيس مجلس الإدارة قفله الملف وقال بهدوء
شكراً لحضوركم
واضح إنكم محتاجين تراجعوا العرض كويس
هنكتفي بكده النهاردة
حسام خرج من القاعة وهو مكسور
وأول ما خرج جري ورايا في الممر
شهد
استني دقيقة
وقفت وبصيت له
قال بصوت واطي
ليه عملتي كده
قلت باستغراب
عملت إيه
قال
ليه مخبية عني كل ده
ليه ما قولتيليش إنك صاحبة الشركة دي وإن عندك الملايين دي كلها
ابتسمت ابتسامة خفيفة
وقلت
لأنك عمرك ما سألت أنا بحلم بإيه
ولا سألت أنا بعمل إيه
أنت كنت كل يوم تسألني وزني كام
وشكلي عامل إزاي
لكن عمرك ما سألتني أنا تعبانة ليه
ولا بسهر ليالي كاملة بعمل إيه على اللابتوب
سكت ومقدرش يرد
وقبل ما ألف وأمشي
طلع من جيبه علبة صغيرة
وفتحها قدامي
وكان جواها نفس خاتم السوليتير اللي كان ناوي يشتريه لمنة
وقال بصوت كله ندم
شهد
أنا غلطت
اديني فرصة أصلح كل اللي ضيعته
وفي اللحظة دي بالضبط سمعنا صوت عالي جاي من آخر الممر
وصوت ست بتصرخ
حسام… أنت كذاب
ولما بصينا ناحية الصوت
كانت منة واقفة ووراها راجل كبير لابس بدلة ومعاه ملفات وأوراق وهو بيقول بصوت هز المكان
أخيراً لقيتك يا حسام… دلوقتي هنسوي الحساب قدام الكل.حسام اتجمد مكانه
منة رجعت خطوة لورا وهي بتبص للراجل بخوف
الراجل قرب ورمى ملف تقيل على الترابيزة اللي في الممر
