قبل معادي حصري لصفحة روايات رولا
أصل أنا كنت داخلة أعمل عملية مرارة بسيطة، بس حصلت مضاعفات غريبة وسخونية شديدة وقعدت أسابيع تحت الملاحظة.
أنا اللي اخترت ما أقولش لحازم عشان أفاجئه..
دلوقتي بس فهمت إن المستشفى ما كانتش مكان بتعالج فيه، دي كانت الملاذ اللي كانوا مستنيين أموت فيه!
شنطتي كانت جوه الشقة..
موبايلي، بطاقتي، كروتي الشخصية ورسائل المستشفى، كل حاجتي جوه.
وما كانش ينفع أرجع خطوة واحدة للداخل.
إحنا ساكنين في الدور الثاني في شقة بـ حي الدقي. وبلكونة الشقة اللي جنبنا كانت قريبة جداً، المسافة بين البارندتين أقل من متر.
ورغم إن جرح العملية كان بيلتهب ومسمع في كل جسمي، حطيت رجلي الأولى على السور.
وجع بطني كان يموّت.. كنت هصرخ من الألَم!
بس ضغطت على سناني وعديت.
نزلت على سلم العمارة المجاورة وطلعت على الشارع بسرعة وجريت من غير ما ألتفت ورايا.
ما جاش في بالي وقتها غير شخص واحد بس..
حماتي.. الست ثريا.
طول عمرها كانت بتقولي “يا بنتي”، ولما كنت بختلف أنا وحازم كانت بتعمل نفسها واقفة معايا وبتنصفني عليه.
ركبت تاكسي بسرعة وطلعت على بيتها في مصر القديمة.
وصلت على وش الفجر.. وشي أصفر، برتعد وعرقانة ومش قادرة أقف على رجلي.
ثريا فتحت الباب واستغربت جداً:
— مريم؟! إيه اللي جابك في الوقت ده؟ حازم قايل لي إنك لسه محجوزة في المستشفى!
حكيت لها اللي سمعته.. مش كل التفاصيل، بس اللي يوضح إن في خطر عليا.
وشها اتخطف، وجريت حضنتني:
— يا لهوي يا بنتي! ادخلي ادخلي.. أنتِ هنا في أمان معايا.
خدتني على أوضة حازم القديمة وقالتلي:
— لازم ترتاحي، أنتِ لسه طالعة من عملية وصحتك ردية.
بعد كم دقيقة دخلت عليا بتسقية شاي بالنعناع:
— اشربي الكوباية دي يا حبيبتي، هتهدي أعصابك وتخليكِ تنامي.
قربت الكوباية من بؤي..
وفجأة وقفت.
أنا اشتغلت 12 سنة كاملة في صيدلية..
حافظة ريحة الأدوية والمركبات الكيميائية وطعمها.
الشاي ده كان طالع منه ريحة كيميائية ونفاذة جداً ومش طبيعية.
استنيت لما ثريا خرجت وقفت الباب، وقمت بسرعة دلقت الشاي كله في زهرية الزرع اللي جنب الشباك.
بعدها اترميت على السرير وغمضت عيني، وعملت نفسي نايمة.
بعد حوالي ساعة، سمعت صوتها بتتكلم في الصالة بصوت واطي:
— حازم.. تعالي بسرعة دلوقتي.
سكتت شوية تسمع، وبعدها كملت:
