جوزي طلقني زهرة الربيع 3
المكالمة اتعملت من شريحة متسجلة باسم شخص متوفي من خمس سنين
لكن الخطأ الوحيد اللي وقع فيه المتصل
إنه قفل التليفون بعد المكالمة بثلاث دقايق
والثلاث دقايق دول كانوا كفاية لتحديد المنطقة اللي كان فيها
منطقة صناعية قديمة على أطراف القاهرة
في نفس الوقت
الخبير دخل المكتب وقال
فيه مفاجأة
لقينا بصمة إصبع على درج مكتبك
قلت
بصمة مين
قال
مش موجودة لأي موظف في الشركة
لكنها متسجلة في قاعدة بيانات وزارة الداخلية بسبب قض\ية نصب قديمة
حسيت إن الخيوط بدأت تقرب
بعد ساعة
المحامي دخل المكتب ومعاه ملف
وقال
الاسم اللي ظهرت بصمته اسمه سامر
اشتغل زمان في أكتر من شركة وخرج منها بعد مشاكل مالية
لكن الغريب
إن آخر وظيفة ليه كانت في الشركة اللي كان شغال فيها حسام
سكت شوية
وقال
والأغرب من كده
إن حسام هو اللي رشحه وقتها للشغل
اتسمرت مكاني
لكن رفضت أستنتج أي حاجة
قلت
لحد ما يبقى فيه دليل
محدش يجيب سيرة حسام
وفي نفس اللحظة
رن تليفوني
كان حسام
رديت بحذر
قال بصوت متوتر
شهد
أنا لازم أشوفك حالا
قلت
ليه
قال
فيه واحد جه قابلني النهارده
وقاللي كلام عن شركتك
ولما عرف إني معرفش حاجة
قال جملة واحدة
لو شهد ما دفعتش
البنت هي اللي هتدفع التمن
حسيت إن الدم اتجمد في عروقي
وقبل ما أتكلم
حسام قال وهو بينهج
وأنا عرفت الشخص ده
وعارف أوصلك له
بس لازم نتحرك دلوقتي قبل ما يختفي.
سلميلي على فريدة
واضح إنها بتحب تروح المدرسة الساعة تمانية الصبح كل يوم.بصيت لحسام ثواني
ولأول مرة من يوم طلاقنا حسيت إنه بيتكلم وهو خايف بجد
مش على نفسه
على فريدة
قلت له
لو بتقول الحقيقة اركب
ركب العربية وإحنا معانا المحامي وفريق من الشرطة كانوا متابعين الموضوع من أول بلاغ
