دلق عليا بيره وميعرفش اني كنت بطلة حصري لموقع أيام

كنت عايزة اكسره كنت كسرته من اول ثانية
انا بس اديتك انذار
مرات اخوه جت جري بالفون وقالتله مش قلتلك اسكت من بدري
قالها انتي تعرفيها منين
قالتله من اليوتيوب انت عمرك ما بتتفرج غير على ماتشات كورة انما انا بتفرج
دي كانت بطلة جمهورية 3 سنين ورا بعض واخر ماتش ليها كان ضد واحدة روسية كسرت مناخيرها في الجولة الاولى
الواد ده كان اسمه العاصفة الهادية عشان مبتتكلمش كتير جوه الحلبة بس بتخلص
حماتي قالت بطلة ايه وبتاع ايه انتي بتشتغلينا
قلت لا يا حماتي مش بشتغلك
انا فعلا كنت بلعب من وانا عندي 16 سنة لحد 26 سنة
10 سنين بتمرن 6 ساعات في اليوم وبصحى 5 الفجر اجري 10 كيلو
وبعدين بطلت يوم ما ماټ ابويا وقالي قبل ما ېموت نفسي اشوفك بفستان ابيض مش ببدلة قتال
فبطلت واتجوزت ابنك
وجوزي عارف من اول يوم اتقدمنا فيه لبعض
قلتله انا كنت بلعب وكنت بكسب وكنت باخد فلوس كويسة بس بطلت عشان عايزة حياة هادية
وهو قالي وانا عايز الحياة الهادية دي معاكي
ومطلبش مني احكي لحد عشان عارف اني مش عايزة حد يبصلي على

اني الست اللي بټضرب
انا عايزة ابقى الست العادية اللي بتعمل شوي في الجنينة وبتضحك
بس الظاهر ان لما الواحدة تسكت الناس بتفتكرها ضعيفة
اخو جوزي لسه ماسك صباعه وبيقول لامه شايفة مرات ابنك بتعمل ايه فيا قدام الناس
حماتي جت ناحيتي وقالتلي اعتذري لاخو جوزك حالا
بصيتلها وقلت اعتذر على ايه
على انه دلق بيرة فوق دماغي ولا على انه زق جوزي ولا على انه مسك ايدي ڠصب
ولا اعتذر اني مسكتش وسيبته يهزقني زي ما انتو متعودين
جوزي وقف بيني وبين حماتي وقال كفاية بقى
كفاية كل مرة اخويا ييجي يهزقنا وانتو تقولوا بيهزر
ده مش هزار ده قلة ادب
لو بنتك اللي اتدلق فوق دماغها بيرة قدام جوزها وعيالها كنتي هتقولي ده هزار برضه
حماتي سكتت
ساعتها مرات اخوه فتحت الفيديو وشغلته بصوت عالي
الصوت كان عالي اوي في الجنينة
المذيع پيصرخ بصوت عالي وبيقول العاصفة الهادية بتعملها تاني بتنهي الماتش في دقيقة ونص بس
وانا في الفيديو شعري مضفور ووشي كله عرق وبضرب واحدة اطول مني وضړبتها ركبة في بطنها وقعتها على الارض
كل الناس

في الجنينة بقت تبص للفيديو وبعدين تبصلي
انا بنفس البيجامة اللي عليها بيرة وشعري مبلول واقفة قدامهم
اخو جوزي قال وانتي بطلتي ليه
قلتله عشان ابويا ماټ وعشان تعبت من الضړب وعشان كنت عايزة ابقى ام
قال يعني انتي تقدري ټضربي اي حد هنا
قلتله لا انا اقدر اضرب بس مبضربش
فيه فرق كبير بين انك تقدر وانك تعمل
انا اقدر اكسر مناخيرك دلوقتي حالا زي ما كسرت مناخير الروسية في الفيديو بس انا مش هعمل كده
عشان انت اخو جوزي وعشان احنا في بيت حماتي وعشان مش عايزة ابني لما يكبر يشوف فيديو لامه وهي بټضرب عمه في حفلة شوي
انا بطلت عشان ابقى ام هادية مش عشان بقيت ضعيفة
اخو جوزي سكت خالص
وبعدين قال بصوت واطي اول مرة اسمعه بيتكلم بصوت واطي
انا اسف
قلتله تعتذر لمين