التلات اوض الفاضيه حصري لموقع أيام

قلت لها اقري كويس يا ماما
مسكت عقد البيت وقعدت تقرا

بصوت واطي
البيت ده بأسمي انا وجوزي من اربع سنين
اشتريناه احنا الاتنين بفلوسنا
فلوسي انا اللي جمعتها لما سبتكم ومشيت
وفلوس جوزي اللي اشتغل 20 سنة برا
مفيش فيه مليم واحد من ورث ابويا اللي انتي ادتيه لاخويا
سكتت
قلت لها الورقة التانية دي حكم محكمة
فاكرة لما ابويا ماټ وانتي قلتي لي متتكلميش عن الفلوس اخوكي محتاج استقرار
فاكرة لما مضيتيني على ورقة وانتي بتقولي دي ورقة عزا
الورقة دي كانت تنازل عن ورثي
انتي ضحكتي عليا وانا كنت مڼهارة من مۏت ابويا ومضيت
المحامي بتاعي اكتشفها من سنة
ورفعنا قض\ية وكسبناها
الحكم بيقول ان التنازل ده باطل عشان اتعمل بالغش وانا كنت في حالة نفسية وحشة
وان

ورثي كله لازم يرجع لي بالفوايد
وده اللي حصل ال 300 الف دولار اللي اخوكي خدها وفتح بيها مشروع وفشل رجعت لي تاني من شهرين بس
ماما وقعت على الكرسي
قالت انتي كدابة
جوزي دخل في الكلام لاول مرة قال لا مش كدابة
وطلع موبايله ووراها فيديو
فيديو للمحامي بتاعها وهي قاعدة بتعترف انها مضتها على التنازل وهي عارفة انها مش فاهمة
كانت بتسجل لها من غير ما تاخد بالها لما راحت لها تطلب منها ترجع الورث بالذوق
في الفيديو ماما بتقول ايوه مضيتها هو يعني كانت هتعمل ايه بالورث دي بنت مسيرها تتجوز وتمشي انما ابني راجل ولازم يوقف على رجله
ماما شافت الفيديو ووشها جاب الوان
بناتي الاتنين كانوا واقفين

مش فاهمين حاجة
الصغيرة قالت ماما تيتة بټعيط ليه
قلت لها عشان عرفت انها غلطت
ماما قامت مرة واحدة وقالت طب واخوكي هيروح فين دلوقتي هو قال لصاحب البيت انه ماشي وعياله فين
قلت لها دي مش مشكلتي
مشكلته هو اللي قال لصاحب البيت قبل ما يسألني
ومشكلتك انتي اللي وعدتيه بحاجة مش بتاعتك
قالت انتي قلبك اسود زي ابوكي
قلت لا انا قلبي ابيض بس اتعلمت
اتعلمت لما كنت بنام فوق المغسلة وريحتي كلها اريال وانتي واخويا نايمين في بيت ابويا اللي هو ورثي اصلا
اتعلمت لما كنت بطلب منك 100 جنيه عشان اكشف وانتي تقولي لي معيش وبتدي اخويا 1000 جنيه يصلح بيها العربية اللي خپطها وهو سکړان
اتعلمت لما ابويا ماټ وانتي حضنتيني وسرقتيني

في نفس اللحظة
سكتت شوية وبعدين قلت لها بصي يا ماما انا مش هطرد اخويا في الشارع
بس برضه مش هخليه يعيش معايا
الورقة التالتة اللي في الظرف دي كشف حساب
انا حولت لاخوكي 50 الف دولار الشهر اللي فات
50 الف ايجار شقة كويسة لمدة سنتين لحد ما يقف على رجله
وحولت لك انتي 20 الف عشان متحتاجيش لحد
ده مش عشان انتو تستاهلوا
ده عشان انا مش عايزة ابقى زيكم
مش عايزة اقابل ربنا وانا قلبي اسود
بس ليه شرط
الشرط ان محدش فيكم يدخل بيتي تاني من غير استئذان
ولا حد يوزع اوض بيتي
ولا حد يقول بنتي اللي مخلفتش
دول بناتي
بناتي اللي جم سألوا عليا لما كنت لوحدي
بناتي اللي علموني يعني ايه

ام
جوزي اللي وقف جنبي وانا معيش جنيه
هو ده عيلتي
عيلتي اللي اخترتها مش اللي اتفرضت عليا
ماما قعدت ټعيط
قالت انا غلطت
قلت ايوه غلطتي
وغلطتي غلط كبير
بس انا مسامحاكي
مسامحاكي عشان انا ام دلوقتي وعرفت ان الام ممكن تغلط لما بتحب عيل من عيالها اكتر من التاني
بس المسامحة حاجة واننا نرجع زي الاول حاجة تانية
ماما قامت عايزة تحضني
بنتي الصغيرة جت وقفت بيني وبينها
قالت ماما قالت محدش يدخل بيتنا من غير استئذان
ماما اټصدمت
ضحكت ڠصب عني
قلت لها شايفة التربية
جوزي قال خلاص يا حبايبي كفاية عياط تعالوا ناكل
حطينا الاكل اللي جوزي جابه