يوم العيد

ليه اختار يقول لي إنه في ألمانيا؟
وليه فضل 3 شهور كاملة واقف جنب أبوها، في الوقت اللي أنا كنت كل يوم بتبعتله صور تقارير أبويا وأقوله
بابا بيسأل عليك.
وهو يرد عليا
معلش يا مريم، الشبكة وحشة هنا.
كنت بفتح الرسائل القديمة واحدة واحدة.
وفجأة لقيت حاجة غريبة.
كل صور كريم اللي كان بيبعتها لي من ألمانيا
ولا صورة واحدة كان ظاهر فيها وشه بوضوح.
مرة صورة قدام مبنى.
مرة كوب قهوة.
مرة شارع مليان تلج.
مرة شنطة سفر.
ومرة قال لي إنه في مطار فرانكفورت.
فتحت تفاصيل الصور.
التواريخ كانت متلخبطة.
صورة بعتها لي على إنها من برلين، تاريخها كان بعد يومين من ۏفاة أبو نادين!
وقتها قلبي دق بسرعة.
فتحت اللابتوب، ودخلت على نظام الشركة.
كنت أنا المسؤولة عن ملفات العملاء الكبار، وعندي صلاحية أشوف كل المراسلات المتعلقة بالمشروع.
دورت على اسم نادين.
طلع قدامي ملف كامل.
واللي شفته خلاني أسند ضهري على الكرسي.
اسم كريم ظهر في المستندات.
مش كخطيب.
ولا كمتطوع بيساعد أهلها.
لكن
كمستشار خارجي في الصفقة.
والأغرب؟
إن أول تحويل مالي باسمه كان قبل ما نادين تعرفه رسميًا بشهر كامل.
يعني كريم ما دخلش حياتها بعد مرض أبوها.
كريم كان موجود قبلها.
بكتير.
فتحت المستندات القديمة.
كل مرة كان بيظهر اسمه بطريقة مختلفة.
مرة ك. ع.
مرة كريم أ.
ومرة باسم شركة صغيرة أنا عمري ما سمعت عنها.
وقتها بدأت أفهم.
هو ماكانش بيكدب عليا عشان يخونني وبس.
كان بيستخدم كڈبة ألمانيا كغطاء لحاجة أكبر.
رن تليفوني.
رقم غريب.
رديت.
ألو؟
صوت راجل قال
مدام مريم؟
أيوه.
أنا سامح محاسب مكتب الأستاذ كريم.
اتجمدت.
كريم؟
سكت ثانيتين.
وبعدين قال
أنا عارف إن الكلام ده ممكن يعمل مشاكل كبيرة، بس لازم أقابلك.
بخصوص إيه؟
قال
بخصوص الحسابات اللي الأستاذ كريم طلب مني أغيرها.
قلبي وقع.
حسابات إيه؟
الأفضل نتقابل.
إمتى؟
النهارده الساعة 5. في كافيه قريب من الدقي.
قفلت المكالمة.
فضلت باصة للتليفون.
وبعدين قلت لنفسي
طيب يا كريم
نشوف حياتك التانية وصلت لفين.
الساعة 5 إلا عشر دقايق كنت قاعدة في الكافيه.
دخل راجل في أواخر الأربعينات، لابس قميص أبيض وجاكت رمادي.
قعد قدامي.
مدام مريم؟
أيوه.
طلع فلاشة صغيرة وحطها قدامي.
دي فيها حاجات لازم تشوفيها بنفسك.
بصيت للفلاشة.
إيه دي؟
قال بصوت منخفض
تحويلات.
فتحت اللابتوب.
الملفات كانت فيها حركة حسابات لشهور.
وأسماء شركات.
وحسابات بنكية.
ومبالغ كبيرة جدًا.
لكن فيه تحويل واحد خلاني أتجمد.
تحويل باسم شركة مرتبطة بمشروع نادين.
القيمة كانت ضخمة.
والتحويل اتعمل قبل 4 أيام من سفر كريم المزعوم لألمانيا.
رفعت عيني له.
كريم هو اللي طلب منك تعمل التحويل ده؟
هز راسه.
أيوه.
ليه؟
بلع ريقه.
مش عارف.
إنت محاسب!
قال
أنا عارف إن الفلوس كانت بتدخل وتطلع من حسابات مختلفة، بس الأستاذ كريم كان دايمًا بيقول إن كل حاجة قانونية.
سألته
وإنت ليه بتقولي الكلام ده دلوقتي؟
بص حوالين نفسه.
وبعدين قال
لأن الأستاذ كريم طلب مني من يومين أقفل حساب قديم.
وبعدها؟
الحساب ده كان مربوط باسمك.
سكت.
باسمي أنا؟