طمع الاهل حكايات صافي هاني
قلت
البنك
اتجمد مكانه
وكملت
وعرفت كمان إن القرض ده اتاخد من خمس سنين
وإن الفلوس راحت فين
أمي بلعت ريقها
وقالت
راحت فين؟
بصيت لها وقلت
في شقة المصيف
اللي كنتوا بتقولوا إن عمي هو اللي اشتراها لكم
أمي قامت مرة واحدة وقالت
إنتي بتكدبي!
قلت
كنت أتمنى
طلعت موبايل وفتحته على صور التحويلات
وقلت
كل جنيه اتحول من حساب القرض لحساب الشركة اللي باعت الشقة موجود
والأغرب من كده
إن القرض لسه عليه أقساط
وأنا اللي اسمي عليه
أبويا قرب مني وقال
إنتي مش هتعملي مشكلة بينا وبين البنك
قلت بهدوء
أنا؟
أنا اللي عملت المشكلة؟
إنتوا اللي حطيتوا اسمي ضامن من غير ما تقولولي
أمي بدأت تعيط وقالت
إحنا كنا مضطرين
رديت عليها
وأنا كنت إيه؟
كنت مرتاحة؟
كنت بشتغل وأنا عندي ستاشر سنة عشان أساعدكم
وأنتوا كل مرة تقولولي دي آخر مرة
بس مفيش مرة كانت آخر مرة
أبويا سكت شوية
وبعدين قال الجملة اللي خلتني أعرف إن كل اللي عملته صح
قال
طيب قولي عايزة إيه؟
بصيت له وقلت
عايزة حقي
قال
قد إيه؟
ابتسمت
وقلت
مش فلوس
عايزة تمضوا على ورقة تانية
أمي مسحت دموعها وقالت
ورقة إيه؟
طلعت ورقة من الدرج
وحطيتها قدامهم
وقلت
تنازل رسمي عن أي حق ليكم في مرتبي أو حساباتي أو شقتي
وأي مبلغ اتاخد باسمي من غير علمي هيتسدد قبل نهاية الشهر
أبويا بص للورقة
وبعدين بصلي
وقال
ولو ممضيناش؟
بصيت له بهدوء
وقلت
ساعتها البنك هيعرف كل حاجة
وفوق كده…
فتحت موبايلي وحطيت تسجيل صوتي قدامهم
وضغطت تشغيل
وكان صوت أبويا واضح جدًا وهو بيتكلم مع موظف البنك من خمس سنين
وبيقول
“اكتب اسم بنتي ضامن… هي شغالة وهتسدد لو حصل أي حاجة”
أمي شهقت
وأبويا فضل واقف مكانه مش قادر يتحرك
قفلت التسجيل
وقلت
أنا مش جاية أنتقم منكم
أنا جاية أوقفكم
لأن الفرق بين العيلة والاستغلال
