الطينه اللي علي فستان أمي حصري لموقع لمحه

مراتي عيطت
لأول مرة من ساعة ما وقعت في الطينة عيطت
حضنتني
وكل الستات اللي في الفرح عيطوا
واحدة ست كبيرة قاعدة في الصف الأول قامت سقفت
وبعدها واحد سقف
وبعدها القاعة كلها سقفت
ماعدا ترابيزة العروسة
العروسة وشها بقى ألوان
قالت لابني اعمل حاجة
ابني واقف مكانه مش عارف يقول ايه
أمها خدتها ومشيت ناحية بره الخيمة
بتقول بصوت عالي احنا مش هنكمل الفرح ده لو بالمنظر ده
ابني جري وراها
قالها يا حبيبتي استني
قلتله في المايك
يا ابني روح وراها
روح راضيها
بس افتكر حاجة واحدة وانت بتجري وراها
امك اللي انت سيبتها تقع في الطينة هي اللي باعت غويشتها عشان انت تدخل جامعة
والعروسة اللي بتجري وراها دلوقتي هي اللي زقتها في الطينة وانت قلت اتزحلقت
اختار هتجري ورا مين
ابني وقف في النص
بين الخيمة وبين مراتي
ال 200 واحد باصين عليه
مستنيين هيختار ايه
بعد 10 ثواني سكتة
لف ورجع لمراته
وقالها خلاص يا حبيبتي تعالي نكمل اليوم مش مهم الفلوس
العروسة قالتله مش مهم الفلوس ازاي ده 100 الف
قالها هنتصرف
سابنا ومشي معاها بره الخيمة
مراتي مسكت ايدي
قالتلي يلا نمشي احنا كمان
قلتلها لا
احنا مش هنمشي
احنا هنكمل العشا
ليه
عشان العشا ده انا دافعه من فلوسي
والأوركسترا دي انا دافعها
والورد ده انا دافعه
فليه امشي واسيبه للي زقك في الطينة
نادييت على مدير القاعة
قلتله لو سمحت شغل المزيكا تاني
وهاتوا الأكل
والألعاب النارية جهزها في معادها
قال بس العريس والعروسة مشيوا
قلتله الفرح مش للعريس والعروسة بس
الفرح لأهل العريس اللي جم يفرحوا بيه حتى لو هو مزعلهم
بصيت لل 200 واحد
قلت اللي عايز يفضل يتفضل عشا على حسابي واللي عايز يمشي مع العريس يتفضل برضه محدش زعلان
تتوقع ايه حصل
170 واحد من 200 فضلوا
قعدوا
كلوا
والأوركسترا عزفت
وانا ومراتي رقصنا
أيوه رقصنا وهي فستانها كله طينة
وحطيت الجاكتة بتاعتي على كتفها عشان الجو برد
ورقصنا Slow
وكل الناس واقفة بتتفرج علينا وبتسقف
وواحد من الضيوف صورنا فيديو
كتب عليه العروسة الحقيقية في الفرح ده كانت الست اللي فستانها فيه طينة
الفيديو جاب 2 مليون مشاهدة في يومين
تاني يوم ابني جه البيت
لوحده
من غير عروسته
خبط على الباب
فتحتله مراتي
كانت لابسة جلابية بيت عادية
بس عنيها حمرا من العياط طول الليل
قالها يا ماما أنا آسف
وركع على ركبته
باس رجلها اللي كانت كلها طينة امبارح
قالها أنا كنت خايف العروسة تسيبني لو زعقت لها قدام الناس
مراتي قالتله وكنت مش خايف أمك تسيبك لما تسيبها تقع وتقول اتزحلقت
سكت