حماتي فضلت تحرش جوزي عليا علشان يطلقني بس الي حصل….!!!

حماتي فضلت تحرش جوزي عليا علشان يطلقني بس الي حصل….!!!
أنا اسمي سارة عندي ٢٨ سنة، ولحد النهارده مش عارفة أنا غلطت لما اتجوزت ولا غلطت لما استحملت.
أنا كنت فاكرة إن الجواز بداية حياة جديدة بيت صغير، راجل يحبني، وعيشة هادية زي أي بنت بتحلم.
لما اتعرفت على كريم، حسيت إني لقيت الشخص اللي كنت مستنياه. كان طيب، حنين، وكلامه كله يطمني.
بس كان فيه شخص واحد واقف بينا من أول يوم
أمه.
حماتي.
من أول أسبوع جواز فهمت إن البيت ده ليه صاحبة واحدة وهي.
كانت تدخل أوضتي من غير ما تخبط، تفتح دواليب هدومي، تعلق على أكلي، وعلى لبسي، وحتى طريقة كلامي مع جوزي.
كانت دايمًا تقول
أنا ربيت كريم ٣٠ سنة مش هتيجي واحدة تعرفه في كام شهر وتقولي تعملي إيه.
كنت بسكت عشان أحافظ على بيتي.
كل مرة كنت أشتكي لكريم كان يقولي
معلش يا سارة، دي أمي استحملي.
وكنت بستحمل.
استحملت لما غيرت ترتيب بيتي من غير ما تسألني.
استحملت لما كانت تدخل بيني وبين كريم في كل خناقة.
حتى لما حملت، بدل ما تفرح، بدأت تتحكم في كل حاجة.
تقولي آكل إيه، ألبس إيه، أروح فين.
كنت حاسة إني مش زوجة كنت حاسة إني ضيفة في بيتي.
لكن اللي حصل في اليوم ده كان آخر حاجة ممكن أتوقعها.
كنت واقفة في المطبخ، وسمعت حماتي بتكلم كريم في الصالة بصوت واطي.
قربت من الباب لما سمعت اسمي.
قالت له
يا كريم لازم تختار، يا أنا يا هي.
سكت شوية.
وبعدين سمعت جملته اللي كسرتني
ماما عندك حق أنا لازم أخلص الموضوع ده.
وقتها فهمت إن المشكلة ما كانتش في حماتي بس
المشكلة إن جوزي كان معاها من البداية
فضلت واقفة مكاني عند باب المطبخ، مش قادرة أصدق اللي سمعته.
كريم جوزي اللي كنت فاكرة إنه سندي، كان واقف مع أمه وبيفكر يخلص مني.
حسيت إن الدنيا كلها ضاقت عليا.
رجعت خطوتين لورا قبل ما يحسوا بيا، ودخلت أوضتي وقفلت الباب بهدوء.
قعدت على طرف السرير، وحطيت إيدي على بطني.
ابني كان لسه جنيني بس حسيت إنه الوحيد اللي باقي لي في الدنيا دي.
فضلت أعيط من غير صوت، مش عايزة حد يسمعني.
كنت بسأل نفسي
أنا عملت إيه عشان يوصلوا بيا لكده؟
أنا ما قصرتش مع كريم.
كنت بصحى قبله أجهز له الفطار، أستناه لما يرجع من الشغل حتى لو اتأخر، وأحاول أرضي أمه رغم إنها كانت شايفة إني مهما عملت مش كفاية.
لكن واضح إن الطيبة لوحدها مش بتكسب كل المعارك.
في اليوم ده، كريم دخل الأوضة وهو عامل نفسه طبيعي.
قالي
مالك يا سارة؟ شكلك تعبانة.
بصيت له وأنا بحاول أقرأ وشه.
قلت
لو في حاجة مضايقاك مني قولي.
اتوتر لحظة وقال
لا مفيش.
ابتسمت بسخرية.
متأكد؟
سكت.
والسكوت وقتها كان أوجع من أي كلام.
من بعدها بدأت أحس إن كريم اتغير.
بقى يدور على أي سبب عشان يزعل.
لو الأكل عجب أمه يقول لي ماما عندها حق، إنتِ محتاجة تتعلمي.
لو اختلفت معاه يقول لي إنتِ مكبرة الموضوع.
حتى خروجي بقى لازم بموافقة أمه.
مرة كنت عايزة أروح أزور أمي، لقيته بيقولي
استني لما أشوف ماما رأيها إيه.
وقتها اڼفجرت.
قلت له
كريم أنا مراتك مش بنتك الصغيرة عشان كل حاجة تعملها بموافقة حد.
بصلي بحدة وقال
خلي بالك من كلامك عن أمي.
الجملة دي وجعتني.
لأنها أكدت لي إن مكاني عنده عمره ما كان الأول.
عدت الأيام، وحماتي زادت أكتر.
بقت تدخل وتقولي كلام يوجعني وهي عارفة إنه هيوصل لكريم.
كانت تقول
الست الشاطرة تعرف تخلي جوزها يسمع كلامها.
أو
أنا لو مكانك كنت عرفت أحافظ على بيتي.
وكنت بسأل نفسي
هي عايزة إيه مني بالظبط؟
لحد اليوم اللي حصلت فيه المصېبة.
كنت في المطبخ بجهز العشا، وسمعت صوت حماتي عالي وهي بتتكلم مع كريم.
قالت
أنا تعبت يا ابني البيت مبقاش زي الأول من ساعة ما دخلت.
رد كريم
معلش يا أمي، أنا هتصرف.
وقفت أسمع.
قالت
لازم تخليها تحس إنها مش ماسكة كل حاجة الست دي اتعودت عليك زيادة.
قلبي دق بسرعة.
يعني إيه؟
هو كان بيحكي لها تفاصيل حياتنا؟
كل حاجة بينا كانت بتوصل لها؟
سمعت كريم يقول
بس يا أمي هي حامل.
سكتت شوية.
وبعدين قالت الجملة اللي خلت الډم يبرد في عروقي
الحمل مش هيمنع الطلاق يا كريم بالعكس، يمكن يكون ده الوقت المناسب.
حسيت برجلي مش شايلاني.
رجعت لورا وأنا حاطة إيدي على بقي عشان ما أصرخش.
يعني حتى ابني بقى ورقة في لعبتهم؟
دخلت أوضتي وقفلت الباب.
لكن المرة دي ما عيطتش.
مسحت دموعي وبصيت لنفسي في المراية.
وقلت
كفاية يا سارة كفاية ضعف.
تاني يوم، صحيت على صوت كريم وهو بيقول
سارة لازم نتكلم.
خرجت من الأوضة وأنا مستعدة أسمع أي حاجة.
لكنه كان ماسك ورقة في إيده.
بصيت له باستغراب.
قال بصوت بارد
دي ورقة اتفاق يا إما نمشي بالطريقة دي، يا إما الموضوع هيوصل للمحكمة.
اتجمدت.
بصيت للورقة وبعدين بصيت له.
وقبل ما أتكلم
دخلت حماتي وهي مبتسمة وقالت
خلاص يا كريم كده نخلص منها ونرتاح.
لكنها ما كانتش تعرف
إن الورقة اللي في إيد كريم كانت هتكون بداية سقوطهم هما مش نهايتي أنا
بصيت للورقة اللي في إيد كريم، وحسيت إن كل حاجة جوايا پتنهار.
أنا كنت مستنية منه كلمة تطمني، حضڼ يخليني أحس إني مش لوحدي، أي حاجة تثبت إن العِشرة اللي بينا كان ليها قيمة.
لكن بدل ده كان واقف قدامي بورقة طلاق.
قلت له بصوت مخڼوق
يعني كده يا كريم؟ بكل سهولة؟ بعد كل اللي بينا؟
نزل عينه في الأرض شوية، وبعدها قال
أنا تعبت يا سارة وماما شايفة إن ده الحل الأفضل.
ضحكت من الصدمة.
ماما شايفة؟
بصيت لحماتي اللي كانت واقفة ورا بابتسامة انتصار.
قلت لها
إنتِ كنتِ مستنية اليوم ده من أول ما دخلت البيت صح؟
ردت بكل برود
أنا عايزة مصلحة ابني وإنتِ من يوم ما ډخلتي وإنتِ عاملة مشاكل.
حسيت بالظلم بېخنقني.
أنا اللي كنت بسكت عشان أرضيه.
أنا اللي كنت بتحمل كلامها.
أنا اللي كنت بحاول أخلي البيت هادي.
وفي الآخر بقيت أنا المشكلة؟
مسكت الورقة من إيد كريم، وبصيت فيها.
كان فيها تنازل عن حاجات كتير.
حاجات تخليه يخرج من الجواز كأنه ما كانش فيه عشرة ولا أيام حلوة.
رفعت عيني له وقلت
إنت كنت محضر ده من ورايا؟
سكت.
وسكوته كان الإجابة.
دموعي نزلت، بس المرة دي ما كانش بكاء ضعف.
كان بكاء واحدة اكتشفت إنها كانت بتحارب لوحدها.
قلت له
كريم فاكر أول يوم دخلت بيتك؟ فاكر لما قولتلي إنك عمرك ما هتخليني أعيط؟
اتنهد وقال
الدنيا اتغيرت.
هزيت رأسي.
لا الدنيا ما اتغيرتش. إنت اللي اتغيرت.
خرجت من قدامهم ودخلت الأوضة.
لمېت هدومي وأنا مش مصدقة إني هخرج من البيت اللي دخلته عروسة وأنا شايلة أحلامي.
كنت بحط هدومي في الشنطة، وفجأة لقيت علبة صغيرة وقعت من الدولاب.
فتحتها
وكان جواها جواب قديم.
الجواب ده كان من حماتي.
بس مش ليا
كان لكريم.
بدأت أقرأ أول سطر، واتجمدت مكاني.
يا ابني كريم لازم تبعد سارة عنك بأي طريقة، لأنها لو كملت حملها هتعرف الحقيقة اللي حاولنا نخبيها.
إيدي بدأت ترتعش.
حقيقة إيه؟
حقيقة إيه اللي بيتكلموا عنها؟
طلعت من الأوضة وأنا ماسكة الجواب.
بصيت لكريم وقلت
قبل ما أخرج من البيت ده عايزة أعرف حاجة واحدة.
اتوتر.
قربت منه وحطيت الجواب قدامه.
إيه الحقيقة اللي أمك خاېفة إني أعرفها؟
اتغير لون وشه.
ولأول مرة شفت الخۏف في عينيه.
حماتي حاولت تاخد الجواب من إيدي، لكني بعدته عنها.
وقلت
لا المرة دي محدش هيسكتني.
سكت البيت كله.
كريم بص لأمه.
وأمه بصت له.
وساعتها عرفت
إن الطلاق ما كانش نهاية حكايتي.
كان بداية السر اللي هيفرقع البيت كله.
وقفت ماسكة الجواب، وإيدي بتترعش، بس المرة دي مش من الخۏف
كانت من الإحساس إن في حاجة كبيرة طول الوقت كانت مستخبية عني.
بصيت لكريم وقلت
اتكلم يا كريم إيه الحقيقة اللي أمك مش عايزاني أعرفها؟
فضل ساكت.
والسكوت ده كان بېقتلني أكتر من أي اعتراف.
قربت منه خطوة وقلت
أنا عشت معاك سنين، شلت بيتك، استحملت إهانات كتير عشانك أقل حاجة أعرف أنا كنت عايشة على إيه.
حماتي دخلت بسرعة وقالت
بلاش تمثيل يا سارة إنتِ أصلاً خارجة من البيت، مالكِش دعوة بحاجة تخص عيلتنا.
بصيت لها وابتسمت رغم دموعي.
قلت
لا يا هانم أنا كنت مرات ابنك، وكنت واحدة من العيلة ڠصب عن أي حد. ولو في حاجة تخص حياتي أو ابني، يبقى ليا حق أعرف.
الجملة دي خلتها تسكت.
كريم قرب من أمه وقال
ماما لازم تعرف.
بصت له پصدمة.
إنت هتقول لها؟
هنا قلبي دق بسرعة.
يعني فعلًا في سر؟
كريم قعد على الكرسي وحط إيده على وشه.
وقال بصوت مكسور
سارة قبل ما أتجوزك، كان في موضوع حصل.
فضلت واقفة مستنية.
قال
أبويا قبل ما ېموت كان كاتب وصية.
استغربت.
وصية؟
هز رأسه.
آه وكان فيها إن نصيب كبير من ممتلكات العيلة هيروح لأول حفيد يحمل اسم العيلة.
بصيت له بعدم فهم.
طيب وإيه علاقتي أنا بده؟
نزل عينه.
العلاقة إن أمي كانت خاېفة إن ابنك ياخد حقي.
اټصدمت.
بصيت على بطني.
يعني كل اللي حصل ده عشان ابني؟
حماتي حاولت تدافع عن نفسها.
أنا كنت بحمي مستقبل ابني.
ضحكت من الۏجع.
تحميه؟ بأنك تكسري بيته؟ بأنك تخليه يطلق مراته وهي حامل؟
سكتت.
لأنها عارفة إن مفيش رد.
كريم قال
أنا غلطت يا سارة.
بصيت له.
الجملة دي كانت المفروض تفرحني.
لكنها جت متأخرة.
متأخرة أوي.
قلت له
الغلط إنك صدقت كلام أمك مرة لكن اللي عملته إنك سبتني أواجهها لوحدي.
دموعه نزلت.
أنا كنت ضعيف.
رديت
وأنا كنت قوية عشانك بس قوتي خلصت.
في اللحظة دي، رن تلفون حماتي.
بصت للشاشة واتوترت.
مدت إيدها تقفل المكالمة بسرعة.
لكن أنا لاحظت الاسم.
كان اسم دكتور.
استغربت.
قلت
دكتور مين؟
قالت بسرعة
مالكيش دعوة.
لكن كريم خد التلفون منها.
وبص للشاشة.
وبعدين بص لها پصدمة.
ماما إنتِ كنتِ بتكلمي الدكتور ده ليه؟
سكتت.
حسيت إن في سر جديد.
قال كريم
ردي عليا.
بدأت تتوتر.
ولأول مرة أشوفها مش مسيطرة على الموقف.
قالت
أنا كنت بحاول أحل المشكلة قبل ما تكبر.
قربت منها.
مشكلة إيه؟
بصت لي.
وبعدين قالت الجملة اللي وقفت الزمن
ابنك يا سارة ممكن ما يكونش ابن كريم.
حسيت الدنيا وقفت.
بصيت لها وأنا مش قادرة أستوعب.
إنتِ بتقولي إيه؟
كريم نفسه اټصدم.
ماما!
قالت
أنا كنت شاكه وعشان كده كنت عايزة أبعدك قبل ما نعرف الحقيقة.
صړخت
شاكه؟! يعني بدل ما تسأليني أو تثقي فيا قررتي تدمريني؟
لكن كلامها ما كانش خلاني أخاف.
لأني كنت متأكدة من الحقيقة.
قلت
كريم أنا مستعدة أعمل تحليل قدامك وقدام الدنيا كلها.
سكت.
وبص لي.
كان واضح إنه مصدقني.
لكن حماتي كانت بتحاول تتمسك بآخر ورقة عندها.
قالت
اعملي التحليل.
ابتسمت.
هعمله بس بشرط.
سألني كريم
شرط إيه؟
بصيت لحماتي وقلت
لو طلع ابني ابنك يا كريم هي اللي تعتذرلي قدام العيلة كلها.
سكت البيت.
وبعد أسبوع
كانت النتيجة جاهزة.
دخلت المعمل وأنا ماسكة إيد كريم.
كنت حاسة إن اللحظة دي هتحدد مصيري.
فتح الدكتور الورقة.
قرأها.
وبص لنا.
وقال
النتيجة مؤكدة الطفل ابن السيد كريم.
غمضت عيني.
مش من الفرحة
من الراحة.
لكن لما خرجنا من المعمل، لقيت حماتي واقفة مستنيانا.
كانت وشها شاحب.
قرب منها كريم وقال
مبروك يا أمي طلع ظنك غلط.
لكنها ما ردتش.
طلعت من شنطتها ورقة تانية.
وقالت
قبل ما تفرحوا في حاجة لازم تعرفوها.
بصينا لها.
قالت
أنا ما كنتش خاېفة من الطفل أنا كنت خاېفة إن سارة تعرف مين السبب الحقيقي في مۏت أبوك يا كريم.
اتجمدنا مكاننا.
كريم قال
إنتِ بتقولي إيه؟
ابتسمت ابتسامة غريبة.
وقالت
الحقيقة إن أبوك ما ماتش زي ما إنت فاكر.
وفي اللحظة دي
عرفت إن طلاقي من كريم ما كانش نهاية حكايتي
ده كان أول باب لحكاية أكبر بكتير
تمت